الخميس، 30 ديسمبر 2010

حلوة الكوك ديال درهم


المقادير

125g كوك
75g طحين
250g سكر
1/2 ملعقة كبيرة عسل
3 أبيض بيض

الطريقة


طحنت المقادير الجافة ( الكوك+ الطحين+ السكر) طحنة خفيفة فقط حتى اندمجو فالطحانة الكهربائية




وحطيتهم فكاسرولة مباشرة (تفاديا لكثرة غسيل المواعن)
و ضفت عليهم أبيض البيض و نصف ملعقة كبيرة عسل
خلطت جيدا بملعقة خشبية حتى اندمجو
وضعتهم فوق نار مهيلة مع التحريك المستمر حتى حسيت بالخليط سخن و أصبح شوية سائل
زولتو من فوق النار و خليتو يبرد شوية
على ما فرشت لاطة الفران بورق سولفيريزي و درت الفران يسخن على200 درجة ,فالوصفة الأصلية خاص الخليط يتوضع فجيب الحلواني و نزلو الحليوات متباعدين فوق اللاطة ولكن أنا هاد المرة وضعتهم بمساعدة ملعقتين صغار
متباعدين كفاية طبعا لأنهم تيزيدو شوية مع حرارة الفرن
و دخلتهم للفرن وضعت اللاطة فالوسط و نزلت الحرارة ل 180درجة و خليتهم يطيبو لمدة 10 دقائق (و لكن تنصح بمراقبة النضج فالدقائق الأخيرة)
و لما خرجت اللاطة صبيت شوية الماء بينها و بين الورق السولفيريزي باش تيزولو الحليوات بسهولة
و لصقت كل 2 مع بعض لصقتهم كيفما هم يعني ما احتاجيتش نوضع بينهم لا مربى و لا عسل لأنهم تيكونو رطب بفعل الحرارة و منديين شوية بفعل الرطوبة ديال الماء
و بكاوكاو محمر و مطحون بقشورو وخرجت الخليط بمساعدة جيب الحلواني ولكن صاوبتم كبار شوية



و صاوبتم مرة أخرى باللوز ماشي محمر و مطحون



و بصراحة طلعو راااائعين فالمرات الثلاث 

لا تنسوني و أهل بيتي من دعائكم بصلاح الدين و الدنيا و الآخرة
 

هناك تعليقان (2):