الثلاثاء، 28 ديسمبر، 2010

تاج ورود


غادين نحتاجو عجين العشر دقائق:
2كيسان طحين+ 2 ملاعق كبار سكر+ 2ملاعق كبار خميرة الخبز+ 1ملعقة صغيرة ملح +كاس حليب+ كاس ماء خلطت الكل و انتظرت عشر دقائق و ضفت 3كيسان طحين+ نصف كاس زيت و عملتها فالعجانة حتى تعجنات مزيان و خدمت بها مباشرة.

+ جبنة مكعبات مثل كيري ( أنا اختاريت نحشيهم بالجبنة و انتوما تيبقى ليكم الإختيار حسب الذوق شكلاط / مكسرات/ كفتة/ دجاج/ سمك إلخ+ بيضة أو حليب للدهن+ جنجلان أو/ و سانوج للتزيين +زيت طبعا لدهن صينية الفرن .و نبدأ على بركة الله
نطلقو العجينة و نقطعوها بكأس أو زلافة متوسطة حسب حجم الوردة اللي بغينا

نقطعو الجبن على 4 إذا استعملنا الكاس أما إذا قطعنا الدوائر بزلافة متوسطة فغاديين نحتاجو مربعين كيري واحد فوق واحد للحصول على مكعب متساوي الأبعاد إلى حد ما
نوضعو مكعب الجبن داخل دائرة العجين ثم نقطع بالسكين خطوط متقاطعة دون الوصول إلى الجبن

نرفع إحدى الجهات الأربع بمساعدة السكين إذا لزم الأمر و نثبت طرفيها على الجبنة

ثم نرفع الجهة اللي بجانبها و نثبتها في التي قبلها و نكرر العملية حتى الإنتهاء جنب و الجنب اللي حداه مباشرة
غاديين نحصلو على شكل وردة

ندهنو صينية الفرن بالزيت, ونبداو نوضعو بالوريدة بالوريدة من جهة الجبنة في الحليب أو البيض ثم الجلجلان أو السانوج و نحطوهم وحدة حدى وحدة على شكل دائرة حتى نحصلو على شكل تاج ورود
نخليوه فشي مكان دافئ حتى يخمر مزيان

ثم ندخلوه على فرن مسخن على درجة حرارة معتدلة درجة و نخليوه مدة 40 دقيقة تقريبا المهم حتى يبان لينا تحمر و بالصحة و الراحة


لا تنسوني و أهلي من صالح دعائكم.

ليست هناك تعليقات:

إرسال تعليق