السبت، 8 يناير، 2011

مارمولاد البرتقال الصيني / chinese oranges بالعسل



المقادير

 كيلو برتقال / أنا استعملت البرتقال الصيني لأنه متوفر هنا لكن يمكن استعمال أي نوع من البرتقال طبعا بعد صلقه مدة أطول لأن البرتقال الصيني معروف بصغر حجمه و قلة مرورة قشرته وهي تكون غالبا أحلى من لبه)

كيلو عسل


عصير حامضة 

الطريقة 

غسلت البرتقال جيدا بالماء و الشيتة 

ثم صفيتو و وضعتو فماء غليان









حتى بدا تيتشقق 

 


 







صفيتو

و لما برد نظفتو من الرؤوس و العظام

ثم وضعتو فطنجرة


وضفت عليه العسل و عصير الحامض

و شعلت النار و لما بدأ في الغليان


نقصت النار لآخر درجة ممكنة و خليتو فوقها بدون غطاء مدة ساعة و نصف تقريبا حتى تعسل البرتقال 


خليتو يبرد










ووضعتو فقراعي معقمة


و احتفظت بها 





لا تنسوني و أهلي من دعائكم بصلاح الدين و الدنيا و الآخرة

الأحد، 2 يناير، 2011

من صربيا زهرة عباد الشمس بحشوة حلوة من مطبخي بالصور


المقادير العجين:
200 غ حليب/ أو حسب العجين كاس تقريبا
2 بيضات
500 غ دقيق
2 و 1/2 م ص خميرة فورية او 20 غ خميرة طرية
1 م ك سكر
1 م ك زبدة طرية
1 ص ملح
1 م ك عصير حامض
شوية زبدة مذابة للذهن
الحشوة
200g كاوكاو محمص و مقشر
5 ملاعق سكر
ملعقتين قرفة
4ملاعق زبدة
عسل
للتزيين
جلجلان

سانوج
أصفر بيض
الطريقة
1-جمعت كل مقادير العجين بالحليب حتى حصلت على عجين فحال ديال الخبز

دلكتو مزيان حتى أصبح أملس غطيتو و خليتو ريثما يخمر و يتضاعف حجمه مشيت نحضر الحشوة المالحة.
 
طحنت عناصر الحشوة ما عدا الزبدة

ثم ضفت الزبدة وطحنتها مع العناصر الأولى حتى حصلت على عجين متماسك نوعا ما قسمتو إلى ثلاث مجموعات واحدة أكبر من الأخرى صنعت من كل مجموعة ثلاث كرات

  مني خمر العجين جيدا قطعتو على ثلاث أجزاء واحد أكبر من الآخر

ثم عملت من كل جزء أربع كويرات

دهنت مول دائري بالزيت ثم
- اخدت الكويرات ديال المجموعة الكبيرة و بسطت واحدة و فتت فوقها الحشوة ثم بسطت الثانية ووضعتها فوق لأولى ثم الحشوة حتى كملت المجموعة الأولى و طلقتها بشوية الزيت على قاع المول

ثم قطعتها من الوسط بقطاعة البيتزا

ثم طلعت الجوانب اللي على شكل مثلثات بمساعدة السكين من الوسط إلى الخارج
-كررت نفس العملية للمجموعة الثانية من العجين و الحشوة, ووضعتها فالفراغ لي وسط المجموعة الأولى بسطتها جيدا ثم قطعتها بنفس الطريقة ولكن كل تقطيعة مقابلة مع مثلث ديال الأولى باش يجيو متداخلين
- ثم الثالثة ولكن بلا ماقطعتها غير حاولت ندخل جنابها جيدا للتحت غطيتها وخليتها تخمر.

دهنت الزهرتين بأصفر البيض و زينتهم بالجلجلان و حبة البركة/ السانوج

ودخلتها لفرن مسخن على200 درجة لمدة 40 دقيقة تقريبا حتى طابت و لما خرجتها سقيتها  بالعسل /حسب الرغبة و الذوق.


و بالصحة و الراحة
لا تنسوني و أهل بيتي من صالح دعائكم

السبت، 1 يناير، 2011

تقلية الكرشة باللفت و الزيتون و الحامض مصير


المقاديرالأولية


الدوارة مقطعة
بصلة محكوكة
الثومة محكوكة
القسبور و المعدنوس مقطعين رقاق
مطيشة مطحونة
معجون الطماطم
زيت زيتون 
سمن
ملح
زعفران حر 
إبزار
خرقوم
سكين جبير
كمون
تحميرة 

الخضر
 
اللفت
الزيتون أخضر
الحامض مصير

الطريقة

 وضعت المقادير الأولية كلها فالكوكوت و سديت عليها




 و لما صفرت الكوكوت نقصت النار لأقل درجة ممكنة و بعد ساعة إلاربع فتحت الكوكوت، و لما تأكدت بأن الدوارة طابت ضفت عليها شوية الحامض مصير و الزيتون و خليتها فوق النار مدة عشر دقائق تقريبا

 

 ثم نزلتها فطاجين و ضفت عليها اللفت و الزيتون و الحامض مصير

وضعت الطاجين على نار هادئة حتى طاب اللفت و نشف المرق .



و قدمتو بالصحة و الراحة





الجمعة، 31 ديسمبر، 2010

طاجين الحوت بالخضر


المقادير


قطع سمك 
مطيشة مطحونة 
معجون طماطم 
قسبور و معدنوس مقطعين رقاق 
ثوم مقطع رقيق
ملح/ إبزار/ سكين جبير/ خرقوم /تحميرة /كمون/فلفل حار حسب الذوق
زيت زيتون
حامض مصير مقطع رقيق
زيتون أخضر
بطاطس
جزر
دنجال
فلفل حلو
فلفل حار حسب الذوق
دوائر مطيشة 
دوائر حامض طري
الطريقة 

-نخلطو التوابل مع مطيشة مطحونة و معجون الطماطم و الثوم و القسبور و المعدنوس و قطع الحامض المصير و نرقدو فيهم قطع السمك لمدة ساعتين فما أكثر
-نصبو زيت الزيتون فالطاجين و نوضعو الجزر ثم البطاطس ثم الدنجال المقطعين حسب الذوق ثم قطع السمك، ثم نزينوه ببقية الخضر و نصبو فوقها ما تبقى من الشرمولة
-نوضعو الطاجين فوق نار مهيلة حتى يطيب و ينشف من المرق و يبان الزيت بوضوح و نقدموه بالصحة و الراحة