المقادير
دجاج /بصل/ سمن /زعفران حر/ سكين جبير/ ملح /إبزار/ عطرية المروزية/ شعرية /زبدة/ حليب مركز/ زبيب/ لوز/ زيت الزيتون/ القرفة مدقوقة / العسل
الطريقة
رقدت قطع الدجاج فالتوابل ليلة كاملة بعدما زولت لها الجلد و نظفتها جيدا بالماء ثم الملح و الحامض ثم الماء ثم فركتها جيدا بسكين جبير, لأن الدجاج الحلال تيوصلنا لليابان مجمد من أستراليا، و إيلا ماتنظفش جييييدا تتبقى فيه شوية رائحة الزفورة
هزيت قطع الدجاج و أخذت شوية من المرق باش صاوبت التفاية: قطعت البصل هلالات و طيبتو فالمرق ديال الدجاج و زدت عليها الزبيب مرقد مسبقا فالماء سخون مغسول و مصفي و زدت شوية الزبدة القرفة مدقوقة و شوية العسل و خليتها فوق النار مع التحريك المستمر حتى عقدات التفاية.
فطنجرة عادية ماشي برمة زعما، ذوبت الزبدة و حركت فيها السفة بعدما كسرتها لأن هاد الشعرية تتكون طويلة و هي مصنوعة من خليط من القمح والرز و فيها حتى نشا الذر
المهم ما تتعجنش بسهولة فحال شعرية السفة ديالنا، غطيت النصف الأول من الشعرية بالماء و زدت عليها شوية الملح غلات نقصت عليها النار حتى طابت، هزيت واحد شوية من تحت و حطيت الزبيب اللي سبق لي و رقدت فالماء سخون و صفيتو و غسلتو,غطيت الطنجرة بضع دقائق والنار مطفية حتى حسيت بالشعرية نشفات تماما
النصف الثاني من الشعرية خلطتو مع شوية السمن والدغميرة ديال الدجاج حتى امتزج معها جيدا و غطيتو أيضا بالماء و لما غلا نقصت حتى طابت الشعرية, و فحال النصف الأول,غطيت الطنجرة بضع دقائق والنار مطفية حتى حسيت بالشعرية نشفات تماما
النصف الثاني من الشعرية خلطتو مع شوية السمن والدغميرة ديال الدجاج حتى امتزج معها جيدا و غطيتو أيضا بالماء و لما غلا نقصت حتى طابت الشعرية, و فحال النصف الأول,غطيت الطنجرة بضع دقائق والنار مطفية حتى حسيت بالشعرية نشفات تماما
و حطيتو فطبق التقديم و حطيت فالوسط قطع الدجاج, و النصف الثاني من السفة اللي كان تحت خلطت معاه الحليب المركز المحلى و الزبيب و شوية الزبدة
و غطيت به الدجاج و الشعرية المسقية
و غطيت به الدجاج و الشعرية المسقية
ليست هناك تعليقات:
إرسال تعليق