سمكة ميرلان فالفرن بالشومبينيون و الكريمة

 

السلام عليكم و رحمة الله تعالى و بركاته
عملت اليوم سمكة ميرلان فالفرن بالشومبينيون معلب و الكريمة للغداء، و رافقتها بكؤوس البطاطس معمرة بالجزر و الشامبينيون طري، سلطة خس و طماطم، و سلطة عدس و زويتنات و كوكتيل فريز و أناناس بعصير البرتقال و الحليب و طبعا الخبزوالديسير سلطة فواكه


نظفت السمكة جيدا و دهنتها بالملح و عصير الحامض



خلطت الزبدة و شوية الملح و إبزار ماشي منيل هاداك الخاص بالستيك ما تيكونش مطحون بزاف، و الثومة محكوكة و زيت الزيتون بزوجهم شوية بزايد على حساب هاد البرد ماكلة و دواء



دهنت بهم السمكة من الداخل و الخارج جيدا و حطيتها فالطبق مدهون أيضا بزيت الزيتون، غطيتها بورق الألمنيوم و دخلتها لفرن على درجة حرارة 250درجة حتى طابت



صبيت السائل اللي فالطبق كلو فمقلاة، شعلت عليها النار، و زدت الشامبينون المعلب فوقها، دقيقتين من بعد ضفت الكريمة



و مني عقد الخليط خويتو فوق السمكة,ودخلتها مرة أخرى للفرن على نفس درجة الحرارة مدة عشر دقائق تقريبا



مني خرجات زينتها بأوراق الخس لفيتهم ووضعت وسطهم طماطم صغيرة و بيناتهم حطيت كؤوس البطاطس معمرة بالجزر و الشامبينيون



اللهم أدمها نعمة و احفظها من الزوال

لا تنسوني و أهل بيتي من صالح دعائكم بصلاح الدين و الدنيا و الآخرة

السلام عليكم و رحمة الله تعالى و بركاته